2025 жылғы 15-21 маусым аралығында Қазақстан Ғылым Академиясының негізін қалаушы және оның тұңғыш президенті — академик Қаныш Имантайұлы Сәтбаевты құрметтеуге арналған «Сәтбаев» II Қазақстандық геологиялық Универсиадасы өтті.

Универсиада Қарқаралы қаласындағы А.Сағынов атындағы Қарағанды техникалық университетінің «Политехник» спорттық-сауықтыру лагерінің базасында өтті.

Іс-шара Қазақстан Республикасы Өнеркәсіп және құрылыс министрлігі Геология комитетінің, Satbayev University және А.Сағынов атындағы Қарағанды техникалық университетінің қолдауымен өтті.

Универсиаданың мақсаты геология саласындағы жас мамандарды қолдау және дамыту, сондай-ақ олардың кәсіби әлеуеті мен мансаптық өсуін ашу үшін жағдай жасау болып табылады. Универсиадаға еліміздің жетекші жоғары оқу орындарының «Геология және пайдалы қазбалар кен орындарын барлау» және «Қолданбалы геология» бағыттары бойынша бакалавриат студенттері қатысты, соның ішінде: Satbayev University (Алматы қ.), а. Сағынов атындағы Қарағанды техникалық университеті, Назарбаев Университеті (Астана қ.), ҚБТУ, Каспий қоғамдық университеті, Қызылорда Қорқыт ата университеті және «Геологиялық барлау колледжі» КМҚК.

Бес күн ішінде қатысушылар Минералогия және петрография, кернді сипаттау, геологиялық бағыт жол өту, гидрогеология, палеонтология, геофизика бойынша жарыстарда ең мықтыларын анықтады.

Барлық жарыстардың қорытындысы бойынша геологиялық барлау колледжінің командасы былтырғы табысын растап, 1 орынға ие болды. Құрамдағы команданы құттықтаймыз: Сүлейменова Әлия, Шувалова Виктория, Қуатов Абай, Поленова Екатерина, Шамшоллаев Темірлан және команда басшысы – Кумпейсов Улан Асанович.