Колледж студенттерінің зерттеу әлеуетін анықтау және мемлекеттің дамуы үшін болашақ мамандардың ғылыми дүниетанымын қалыптастыру мақсатында колледжде «Жас зерттеушілердің шығармашылығы — бәсекеге қабілетті мемлекетті қалыптастыруға үлес» атты студенттік ғылыми — практикалық конференция өткізу дәстүрге айналды:
— 12.10.2017 ж. Қалалық деңгей, 11 колледжден 73 қатысушы
— 26.10.2018 ж-облыстық деңгей, 16 колледжден 142 қатысушы
-25.10.2019 ж. — облыстық деңгей, облыстың 16 колледжінен 106 қатысушы.
2019 жылдың 25 қазанда «Геологиялық барлау колледжі» КМҚК — да техникалық және кәсіптік білім беру жүйесін дамытуға үлкен үлес қосқан талантты басшы, ұйымдастырушы, көрнекті қоғам қайраткері Марал Әлмұқановты еске алуға арналған «Жас зерттеушілер шығармашылығы — бәсекеге қабілетті мемлекетті қалыптастыруға үлес» атты III облыстық студенттік ғылыми-практикалық конференция өтті.
Конференцияның мақсаты-студенттердің оқу іс-әрекетінің жетекші тәсілі ретінде зерттеушілік оқыту туралы түсінігін қалыптастыру; студенттердің шығармашылық зерттеу белсенділігін дамытуға ықпал ету, іргелі және қолданбалы ғылымдарға қызығушылығын ынталандыру; жобалық қызмет деңгейін одан әрі арттыру мақсатында студенттер арасында тәжірибе алмасу; дарынды және қабілетті студенттерді анықтау және қолдау, оларды шығармашылыққа және эксперименталды жұмысқа ынталандыру.
2019 жылы 5 тақырыптық секцияның жұмысын келесі сараптамалық комиссия құрамы басқарды: А. Р. Нигматуллина – қалалық білім бөлімінің ақпараттық — талдау және техникалық секторының жетекшісі, Г. Э. Усманова — «IRG Kazakhstan» ЖШС геоақпараттық жүйелер жөніндегі инженері, А. О. Тоқсамбаева- Семей қ., Шәкәрім атындағы университетінің Қазақ әдебиеті кафедрасының профессоры, Қ. Т. Жакина — Семей қ., Шәкәрім атындағы университетінің көптілділік кафедрасының оқытушысы, И. М. Дюсекенова — шетел филологиясы және аударма теориясы кафедрасының доценті м.а., Г. А. Куребаева-педагогика ғылымдарының кандидаты, шет тілдер филологиясы кафедрасының меңгерушісі. З. В. Абдишева — биология ғылымдарының кандидаты, биология кафедрасының доценті, А. М. Төлеубай- физика — математика ғылымдарының және информатика кафедрасының оқытушысы Гуманитарлық-заң және техникалық колледжінің директоры Б. Р. Серғазинова, «М. Әуезов атындағы педагогикалық колледжі» КМҚК қоғамдық пәндер оқытушысы Н. А. Сағымбекова, қоғамдық пәндер ӘБ төрайымы А. К. Матаева — «Ертіс» ӘКК » АҚ Ұлттық компаниясының жер қойнауын пайдалану департаментінің директоры, Е. А. Жүкенов — «СемГарант»ЖШС коммерциялық директоры.
Студенттердің зерттеу жұмыстары үлкен қызығушылықпен тыңдалып, талқыланды. Барлық баяндамалар қызықты болды,оларды белсенді талқылау барысында терең зерттеуді талап ететін және кейінгі зерттеулер үшін негіз болатын көптеген сұрақтар туындады. Сараптау комиссиясы студенттердің ең үздік зерттеу жұмыстарын анықтап, «зерттеудің өзектілігі үшін», «өз көзқарасын талдай білгені және қорғағаны үшін», «жұмыстың үздік ұсынғаны үшін», «тақырыпты үздік ашқаны үшін», «эрудициясы және шығармашылық көзқарасы үшін»номинациялары бойынша марапатталды. Жыл сайын Әлмұханов Марал Әлбекұлын еске алуға арналған «жас зерттеушілердің шығармашылығы — бәсекеге қабілетті мемлекетті қалыптастыруға үлес» атты студенттік ғылыми — практикалық конференция тиісті ғылыми-әдістемелік және ұйымдастырушылық деңгейде өткізіледі, конференция қатысушылары мен қонақтарынан көптеген жақсы пікірлер алынды. Конференция қорытындысы бойынша материалдар жинағы шығарылды.
— 30.10.2024 ж-облыстық деңгей, 26 колледжден 226 қатысушы
2024 жылдың 30 қазанында КМҚК «Геологиялық барлау колледжінде» «Қазақстан Республикасы білім беру ісінің үздігі», «Геология саласының еңбек сіңірген қызметкері», техникалық және кәсіптік білім беру жүйесін дамытуға зор үлес қосқан қоғам қайраткері Марал Әлбекұлы Әлмұхановты еске алуға арналған «Жас зерттеушілер шығармашылығы – бәсекеге қабілетті мемлекетті қалыптастыруға үлес» атты VIII облыстық студенттік ғылыми-тәжірибелік конференциясы өтті. Конференция Абай облысы Білім басқармасының «Инновациялық-әдістемелік орталығының» басшылығымен, облыстық әдістемелің орталықтың жоспары бойынша өткізілді.
Конференцияның міндеттеріне студенттердің зерттеушілік қабілеттерін дамыту, оқыту туралы түсініктерін дамыту; олардың ғылыми зерттеуге қызығушылығын ояту, шығармашылық зерттеушілік әрекетін дамытуға ықпал ету; жобалық қызмет деңгейін одан әрі жақсарту білімді және қабілетті жастарды анықтау және қолдау, оларды шығармашылық пен эксперименттік жұмыстарға ынталандыру; жасанды интеллектпен әрекеттесудің жаңа формалары арқылы даму мәселелері жатады. Конференцияда электротехника, тарих, лингвистика, информатика және басқа салалардағы өзекті мәселелер бойынша баяндамалар тыңдалды. Конференция 6 секцияны қамтыды, оның ішінде «ІТ-технологияларды дамыту Қазақстан экономикасын жеделдетілген технологиялық жаңғыртудың бірінші (негізгі) басымдығы ретінде», «Табиғи ғылыми зерттеулер қоғам дамуының прогрессивті факторы ретінде» және т.б.секциялар бар.Секциялық жұмыстарға облыстық инновациялық-әдістемелік орталықтың сарапшылары, Шәкәрім университетінің, Семей қаласы медициналық университетінің профессорлық-оқытушылық құрамының мүшелері, колледж оқытушылары мен әлеуметтік серіктестер жетекшілік жасап, бағалады.
Конференцияға 26 техникалық және кәсіптік білім беретін оқу орындарынан 226 студент қатысты. Олардың арасында Хромтау тау-кен техникалық жоғары колледжі, Жаңатас көпсалалы колледжі, ШҚО Абай атындағы гуманитарлық колледжі, С.Аманжолов атындағы жоғары колледжі, ГБПОУ НСО «Сібір геофизикалық колледжі» де бар.
Жеңімпаздар Абай облысы білім басқармасының дипломдарымен марапатталды.
Конференция қортындысы бойынша 1-ші орындар:
1 секция бойынша Спиридонов Александр, Муковозов Георгий «Өскемен көпсалалы технологиялық колледжі» КММ,
2 секция бойынша Жунисова Камила М.Әуезов атындағы педагогикалық колледжі КМҚК ,
3 секция бойынша Атамбеков Адиль «Геологиялық барлау колледжі» КМҚК,
4 секция бойынша Кажикенова Дильназ, Қабимоллаева Тогжан — М.Әуезов атындағы педагогикалық колледжі КМҚК ,
5 секция бойынша Иманғалиева Сағыныш, Қанатбекова Балжан М.Әуезов атындағы педагогикалық колледжі КМҚК,
6 секция бойынша Погорелов Данил «Геологиялық барлау колледжі» КМҚК
