16.03.2023 ж. колледждімізде Студенттік Парламент пен “Sanalı urpaq” студенттік клубының ұйымдастыруымен Наурыз мерекесінің 3-күні аталып өтті. Үлкен қоңырауда “Bawırsaq FEST” байқауында 10 топтың студенттері бауырсақтың түр-түрін әзірлеп, дәлізде көрме ретінде қойылды. Қазылар алқасы бауырсақтардың түрлілігіне, пішіндеріне, ең бастысы, дәміне баға бере отырып үздік топтарды анықтады. Сондай-ақ, студенттер Студенттік Парламенттің ұйымдастыруымен өткен гір көтеріп, асық атып, ләңгі іспетті қазақтың ұлттық ойындарын ойнап бақ сынасты. 40 минуттық үзілісте студенттерге Әз-Наурыз мерекесінің бар ахуалын сыйлай білдік деген ойдамыз!